Un bo magosto!

Hoxe o día foi completiño! Tivemos neve e para entrar en calor, fixemos a fogueira e celebramos o magosto por todo o alto. Grazas ás familias por facelo posible. Pasámolo pipa!

O TRIMESTRE DO AMIGO INVISIBLE!

Durante este trimestre estamos levando a cabo no noso cole o amigo invisible. Para elo, cada martes, os nenos/as e os profes agasallan ao seu amigo invisible con algo especial. Desta recibimos debuxos, bonecas, pulseiras, adiviñanzas, chuches e moitas outras cousas. Estamos ben contentos/as! Graciñas amigos/as invisibles (ou imaxinarios, como din algúns/as).

CHEGOU A NEVE A CASAIO!

Pois as previsións cumpríronse e hoxe viñemos paseniño paseniño para poder abrir o cole de Casaio...chegou a neve e non puido deixarnos unha estampa mais fermosa!

Ahhhhhh, por certo! Os nosos cativiños estábannos esperando para tirarnos bolas de neve, esta gardámoslla!

SAÍMOS NA PRENSA!

Para un neno/a saír na prensa implica ser famoso, para un mestre/a saír na prensa ensinando o seu cole e os seus alumnos/as implica gañas e motivación para seguir facendo todo o posible por avanzar no tempo. Somos pouquiños/as pero ruidosos e gústanos que nos teñan en conta! Moitas gracias ao xornal denominado Somos Comarca por contar con nós e por vir ver as nosas cousiñas, estamos ansiosos/as por facervos unha visita e coñecer a radio!

SOMOS FAMOSOS/AS!

FIELES ÁS TRADICIÓNS!

Seguindo as tradicións, celebramos o Samaín. Para elo, o CEIP de Casaio converteuse no túnel do terror. Dous espíritos fixéronnos unha visita e ata tivemos que beber unha pócima ben fea! Por sorte, seguimos sendo os mesmos e non nos convertimos nin en rás nin en ningún outro personaxe raro. Disfrutamos moitísimo!